როგორ უნდა უზრუნველყოთ უსაფრთხო ძილი თქვენი პატარასთვის?

როგორ უნდა უზრუნველყოთ უსაფრთხო ძილი თქვენი პატარასთვის?

იმისთვის, რომ  პატარას დასაძინებელი ადგილი სრულიად უსაფრთხო იყოს რამდენიმე რჩევა უნდა გაითვალისწინოთ. 

• ბავშვი ძილისას ყოველთვის ზურგზე დააწვინეთ.
• ნუ ჩააცმევთ ბავშვს ბევრ ტანსაცმელს ამან შეიძლება გამოიწვიოს გადახურება
• შეინარჩუნეთ ოთახში ოპტიმალური ტემპერატურა რომ ბავშვი დაიცვათ გადახურებისგან
• ხშირად ანიავეთ ოთახი,სადაც ბავშვს სძინავს 
• ახალშობილისთვის ყველაზე უსაფრთხო მშობლებთან სიახლოვეს წოლაა. დააწვინეთ ბავშვი თქვენს საძინებელში პირველი 1 წლის ან მინიმუმ პირველი 6 თვის მანძილზე. არა თქვენს საწოლში, არამედ თქვენს ოთახში.
• გამოიყენეთ მყარი და სწორი ზედაპირის მქონე მატრასი.
• არ გამოიყენოთ ბალიში და საწოლის ბამპერები.
• დარწმუნდით, რომ თეთრეული საწოლის ზომის შესაბამისია.
• ჩვილ ბავშვს არც ერთ შემთხვევაში არ უნდა ეძინოს უფროსების საწოლში, დივანზე ან მანქანის სპეციალურ სავარძელში.
• არ მოწიოთ და არც სხვას მისცეთ უფლება მოწიოს ბავშვთან სიახლოვეს.
• არ დააწყოთ ბალიშები, საბნები, გადასაფარებლები, რბილი ნივთები, სათამაშოები ბავშვის დასაძინებელ ადგილთან ახლოს.
•  ყოველთვის დარწმუნდით, რომ ბავშვის სახე ძილის დროს დაფარული არ არის.
• არ დააფაროთ პატარას მასზე გაცილებით დიდი ზომის საბანი.
• მიეცით ბავშვს ძილისას საწოვარა.
• არასდროს არ დატოვოთ ბავშვი მუცელზე მწოლიარე მეთვალყურეობის გარეშე! როდესაც ბავშვს ღვიძავს მუცელზე წოლას მისთვის ბევრი სარგებელი მოაქვს, წაიკითხეთ ვრცლად Tummy Time-ს შესახებ

ძილისას უსაფრთხოების ზომების დაცვა ამცირებს ჩვილ ბავშვთა უეცარი სიკვდილის სინდრომის რისკს.

მნიშვნელოვანია რომ, ჩვილს აუცილებლად ეძინოს არა მუცელზე ან გვერდზე, არამედ- ზურგზე! 

ჩვილ ბავშვთა უეცარი სიკვდილის (SIDS) სინდრომის თავიდან ასაცილებლად:

• ორსულმა ქალმა უნდა იაროს პრენატალურ მეთვალყურეობაზე.
• არ უნდა მოწიოთ თამბაქო, მარიხუანა, არ დალიოთ ალკოჰოლი და არ მიიღოთ ნარკოტიკები ორსულობისას.
• არ მოწიოთ იმ გარემოში სადაც ბავშვს სძინავს.
• მიჰყევით ექიმის რეკომენდაციებს ვაქცინაციასთან და საპროფილაქტიკო ვიზიტებთან დაკავშირებით.
• ძუძუთი კვება ჩვილთა უეცარი სიკვდილის სინდრომის შემთხვევებს ამცირებს. თუ ძუძუთი კვებისას ბავშვთან ერთად თქვენს საწოლში ჩაგეძინებათ, გაღვიძებისთანავე გადააწვინეთ ის თავის საწოლში.

წყარო nichd.nih.gov;  mayoclinic.org

სტატიაში მოცემული ინფორმაცია, ზოგადი და ინფორმატიული ხასიათისაა. დეტალური ინფორმაციისთვი კონსულტაცია გაიარეთ პირად ექიმთან. 

ასევე დაგაინტერესებთ: 

• თეთრი ხმაური და ბავშვის ძილი 

• ძილის მნიშვნელობა ბავშვებისთვის

• Night terrors - ღამის შიშები

• ძილის რეგრესია ბავშვებში

• როგორ უნდა მოიქცნენ მშობლები, რომ ბავშვმა ღამე მშვიდად იძინოს?

• საჭიროა თუ არა ბალიში ბავშვისთვის?

• რატომ იღიმიან ბავშვები ძილის დროს?

• რატომ სძინავთ ბავშვებს ამდენ ხანს და რატომ უნდა გავუფრთხილდეთ მათ ძილს - 5 მიზეზი

• როგორ უნდა მოიქცეთ, თუ ბავშვი მხოლოდ თქვენს მკლავებში იძინებს?

• როგორ მოქმედებს უძილობა ბავშვის ფსიქიკაზე

• როგორ გავაღვიძოთ ბავშვი მარტივად და უშფოთველად?

• ძილის დარღვევა და პრობლემები სკოლის ასაკის ბავშვებში

• ძილის ტრენინგი ფერბერის მეთოდით