როგორ უნდა მოიქცნენ მშობლები, რომ ბავშვმა ღამე მშვიდად იძინოს?

სპეციალისტების მტკიცებით, იმისათვის, რომ ბავშვის დაძინება მშობლებისთვის მაქსიმალურად გამარტივდეს, საჭიროა ძილისწინა რიტუალების შემოღება. 
რატომ? იმიტომ, რომ:

1. რიტუალი ეხმარება ბავშვს, აქტიური სიფხიზლის ფაზიდან ძილის ფაზაში გადავიდეს.
2. რიტუალი უნდა იყოს ბავშვისთვის სასიამოვნო და მისაღები, ისეთი, რომელიც ხელს შეუწყობს მის მოდუნებას.
3. ამ დროს მთავარია თანმიმდევრობა და განმეორებითი მოქმედებები.
4. რიტუალი უნდა გამოიყენოთ როგორც ღამის, ისე დღის ძილის დროს.
5. ღამის ძილის წინ რიტუალს 40 წუთი დაუთმეთ, დღის ძილის წინ კი - 30.

მითია მოსაზრება, რომ ბავშვს დამოუკიდებლად დაძინება არ უნდა ასწავლოთ. რეალურად ყველაფერი ინდივიდუალურია, თუ თქვენს შვილს ეს მოსწონს და თქვენთვისაც მოსახერხებელია, აზრის შეცვლას არ გირჩევთ.

მითია მოსაზრება, რომ თუ გინდათ ბავშვმა ღამე კარგად დაიძინოს, დღის განმავლობაში არ უნდა დააძინოთ.

რეალურად ბავშვმა დღის განმავლობაში საკმარისად უნდა იძინოს იმისთვის, რომ მისი ღამის ძილი იყოს ჯანსაღი და ხანგრძლივი. 

ნიშნები იმისა, რომ ბავშვს ძილი აკლია
სანამ დარწმუნებით იტყვით, რომ თქვენს შვილს საკმარისად სძინავს, დააკვირდით, ხომ არ აღენიშნება მსგავსი ნიშნები: 
(3 თვემდე ბავშვი)

• ბავშვი სწრაფად იძინებს მანქანაში მოძრაობის დაწყებისთანავე.
• როდესაც ბავშვს არ სძინავს, ჭირვეულობს, გამოიყურება გადაღლილად.
• ხშირად ღამე დროზე ადრე თვითონ ეძინება.
• ხშირად ეღვიძება ღამე და დილით 6 საათზე ადრე იღვიძებს, სძინავს მოუსვენრად.
• ღამე მისი დაძინება თითქმის წარმოუდგენელია, აკეთებს ყველაფერს, დარბის, ყვირის, იცინის, თუმცა  არ იძინებს.
• იძინებს და იღვიძებს ტირილით, აპროტესტებს დღის ძილს, დღე სძინავს ძალიან ცოტა ხანი.

წყარო: spimalysh