ზაფხული ბავშვებისთვის საუკეთესო დროა, თამაშით, სეირნობითა და ბუნებაში გატარებული დროით სავსე, მაგრამ ამავე დროს აქტიურდებიან კოღოებიც. კოღოს ნაკბენი შეიძლება გახდეს არა მხოლოდ დისკომფორტის, არამედ ალერგიული რეაქციების მიზეზიც. სწორედ ამიტომ, მშობლები ხშირად ეძებენ უსაფრთხო და ბუნებრივ გამოსავალს. ერთ-ერთი საუკეთესო ბუნებრივი საშუალება კოღოების წინააღმდეგ არის ლავანდა.
რატომ არის ლავანდა ეფექტური კოღოების წინააღმდეგ? ლავანდის ყვავილები და მათი ეთერზეთები შეიცავს არომატულ ნივთიერებებს, რომლებიც ადამიანისთვის სასიამოვნოა, კოღოებისთვის — გამაღიზიანებელი. ეს სურნელი მათ აღიზიანებს და ბუნებრივი რეპელენტის ფუნქციას ასრულებს. დამატებით, ლავანდა ცნობილია დამამშვიდებელი ეფექტით — მისი არომატი ბავშვებს ეხმარება მოდუნებაში და მშვიდ ძილში.
როგორ გამოვიყენოთ ლავანდა ბავშვების დასაცავად კოღოებისგან?
- ლავანდის ქოთნები ფანჯარასთან და აივანზე ლამაზი და პრაქტიკული გადაწყვეტილება — ლავანდის ქოთნები მოათავსეთ იმ ადგილებში, საიდანაც კოღოები ყველაზე ხშირად შემოდიან. მცენარე არა მხოლოდ დაიცავს, არამედ გაალამაზებს გარემოს.
- გამხმარი ლავანდის პაკეტები საწოლთან – ბამბის პატარა ჩანთაში ჩაყარეთ გამხმარი ყვავილები და დაკიდეთ ბავშვის საწოლთან ახლოს. სურნელი მთელი ღამის განმავლობაში დაეხმარება კოღოებისგან დაცვაში.
- ლავანდის ეთერზეთის განზავებული სპრეი (3 წლის ზემოთ) – აურიეთ 100 მლ წყალი და 4–5 წვეთი ლავანდის ეთერზეთი, შეანჯღრიეთ და შეასხურეთ ტანსაცმელზე. კანზე პირდაპირი წასმა მცირე ასაკის ბავშვებზე არ არის რეკომენდებული ექიმის გარეშე.
კოღოებისგან დასაცავად ლავანდა ყველაზე ეფექტურია, მაგრამ უსაფრთხოებისა და კომფორტისთვის შეიძლება სხვა რჩევებიც დავუმატოთ:
• ჩააცვით ღია ფერის, გრძელმკლავიანი, თხელი ტანსაცმელი.
• დააყენეთ ბადეები ფანჯრებზე და კარებზე.
• გამოიყენეთ საწოლის ბადისებური ფარდა (მოსკიტო ნეთი).
• საღამოს საათებში მოერიდეთ ბავშვის გაყვანას, განსაკუთრებით წყლის ახლოს. • აივანზე ან ბაღში დადგით მცენარეები, რომლებიც კოღოებს არ უყვართ: პიტნა, როზმარინი.
• გამოიყენეთ პატარა ვენტილატორი ოთახში — კოღოებს უჭირთ ძლიერი ჰაერის დინებაში ფრენა.
ლავანდა ერთ-ერთი ყველაზე უსაფრთხო, ეფექტური და სასიამოვნო გზაა ბავშვების დასაცავად კოღოებისგან. მისი სურნელი შექმნის მშვიდ გარემოს, გაალამაზებს სახლს და ზაფხულის საღამოები ბევრად უფრო სასიამოვნო გახდება.
