უსაფრთხოების წესები სახლში - როცა პატარა გყავთ

რომელია ყველაზე გავრცელებული საყოფაცხოვრებო ტრავმები და როგორ ავარიდოთ მათ თავი?

თუ ბავშვი იატაკზე ხოხავს, თქვენ კი ქურაზე სადილს ამზადებთ, აუცილებლად უნდა გაითვალისწინოთ რამდენიმე წესი:  
•    არასდროს დატოვოთ ბავშვი ქურასთან მარტო, როდესაც მასზე რამეს ადუღებთ. 
•    ქვაბის ან ტაფის სახელური აუცილებლად კედლისკენ შეატრიალეთ, რომ ბავშვმა ვერაფრით მოახერხოს მასთან შეხება. 

•    ნებისმიერი ჭურჭელი, რომელშიც ცხელი მასა იქნება მოთავსებული, მაღალ ადგილას უნდა დაალაგოთ, ისე, რომ  ბავშვი მას ვერ მისწვდეს.
•    არ აიყვანოთ ბავშვი ხელში, თუ ცხელ ყავას ან ჩაის მიირთმევთ ან თუნდაც ცხელ კერძს ჭამთ. 
•    ყურადღებით იყავით, რომ ელექტროჩაიდნის, უთოს ან მადუღარის სადენი იატაკზე არ იყოს, ბავშვმა მისი აღება რომ ვერ მოახერხოს. 

კიდევ რამდენიმე წესი:

•    აუცილებლად შეამოწმეთ წყალი, რომელშიც ბავშვი უნდა დაბანოთ, განსაკუთრებით გამდინარე, რადგან შესაძლოა ტემპერატურა შეიცვალოს. 

•    არასდროს დატოვოთ ბავშვი მარტო თუნდაც ნახევრად სავსე აბაზანაში, შესაძლოა ბავშვს უბრალოდ ფეხი აუსრიალდეს და წაიქცეს. 
•    არასდროს დატოვოთ უყურადღებოდ ანთებული სანთლები. 
•    ყველა ჩამრთველს გაუკეთეთ დამცავი. არასდროს დატოვოთ ბავშვისთვის ხელმსაწვდომ ადგილზე პატარა და ბასრი საგნები. 

•    არასდროს დატოვოთ ბავშვი მარტო გადასახვევ მაგიდაზე მაშინაც კი, თუ მან ჯერ კიდევ არ იცის გადაბრუნება. 
•    არ დატოვოთ მარტო სავარძელში ან საწოლზე, რომ არ ჩამოცურდეს.
•    ყურადღება მიაქციეთ ფანჯრებს და კარებს, დარწმუნდით, რომ ის ბავშვს საფრთხეს ვერ შეუქმნის. 
•    დარწმუნდით, რომ თაროები და კარადები კედელზე საიმედოდ არის დამაგრებული. ეს ასევე ეხება ტელევიზორს და სხვა მძიმე ნივთებს.