კომაროვსკის მიმართვა მომავალ მამებს

მიუხედავად იმისა, რომ ფეხმძიმობა ავადმყოფობა არ არის, მეუღლესთან ურთიერთობებს აუცილებლად უნდა გადახედოს, რადგან ის ვერასდროს განიცდის იმას, რასაც მისი ორსული მეუღლე განიცდის. ვერასდროს მოუძებნის ლოგიკურ ახსნას ცოლის ახირებებსა და მოთხოვნებს. უნდა აღიჭურვოს მოთმინებით და შეეცადოს შეიგნოს, რომ ორსულ ქალს ბევრად მეტი რამ აღიზიანებს, ვიდრე ჩვეულებრივ ადამიანს. ამიტომ მთავარ ამოცანად  უნდა აქციოს, არ იქცეს ფეხმძიმე ქალისთვის დამატებით გამაღიზიანებელ ფაქტორად. ეცადოს მიიღოს რაც შეიძლება მეტი ახალი ინფორმაცია, ისწავლოს და განვითარდეს.  

წესები მომავალი მამებისთვის

• ნაკლებად იმსჯელეთ იმის თაობაზე, ბიჭი უფრო გინდათ თუ გოგო. გახსოვდეთ, ბავშვის სქესს განაპირობებს მამის სპერმა, ასე რომ, თუ რამე პრეტენზია გაქვთ, საკუთარ თავს მიმართეთ.  
• გულს ნუ გაიტეხთ იმის გამო, რომ საკმარის დროს ვეღარ გითმობენ და მოემზადეთ იმისთვის, რომ ბავშვის გაჩენის შემდეგ ეს დრო კიდევ უფრო შემცირდება.  
• ეცადეთ მონაწილეობა მიიღოთ სახლის საქმეებში - მაღაზიაში სიარულით, ხანდახან სარეცხის გაფენით და გასარეცხი ჭურჭლის მანქანაში მოთავსებით თქვენი მამაკაცური ღირსება ნამდვილად არ შეილახება. 
• გამონახეთ დრო და მეუღლესთან ერთად იმსჯელეთ, სად სჯობს ბავშვის საწოლის განთავსება, რა უნდა გააკეთოთ მისი სამშობიაროში ყოფნის დროს, რა უნდა დაახვედროთ და ა.შ. 
• ეცადეთ მარკეტში არ შეიძინოთ ისეთი საკვები, რომლის ჭამაც ორსულისთვის აკრძალულია. აგრძნობინეთ, რომ თანაუგრძნობთ და მის გამო თქვენც შეგიძლიათ რაღაცაზე უარის თქმა.
• ეცადეთ მასთან ერთად მიიღოთ მონაწილეობა ექიმის მიერ დანიშნულ ყველა აქტივობაში, იქნება ეს სეირნობა, ვარჯიში თუ  სხვა რამ. 
• ეცადეთ სექსუალურად ფეხმძიმე მეუღლეზე გადაეწყოთ და არ განაწყენდეთ ზედმეტად. გახსოვდეთ, რომ ფეხმძიმე ქალის მდგომარეობა ჩვეულებრივი მდგომარეობისაგან განსხვავდება და ეცადეთ ამას გაგებით მოეკიდოთ.   
• სახლში მოწევა სასურველი ნამდვილად არ არის. 

გეთანხმებით, ცოტა რთულია ერთდროულად ამდენ დათმობაზე წასვლა, მაგრამ ისიც გახსოვდეთ, რომ ორსულობა მხლოდ 9 თვე გრძელდება. 

წყარო: ევგენი კომაროვსკი