უსაფრთხოების ნორმები - როგორ დავიცვათ ბავშვი 1-4 თვემდე

ბავშვის უსაფრთხოებისთვის გულისყურით მოეკიდეთ ქვემოთ მოცემულ რჩევებს.

ბავშვის საწოლი, ეტლი, მანეჟი

• დარწმუნდით, რომ საწოლის რიკულებს შორის მანძილი დიდი არ არის და ბავშვს გადმოვარდნა არ ემუქრება.
• დარწმუნდით, რომ ლეიბი მჭიდროდ ერგება საწოლს, რათა ბავშვმა მის ქვეშ შეძვრომა ვერ მოახერხოს.
• არ გამოიყენოთ ბალიში.
• ნუ დააფენთ ლეიბზე ცელოფანის პარკს _ ბავშვმა შეიძლება შემთხვევით თავზე ჩამოიცვას ან სახეზე მიიკრას;
• საწოლთან ნუ ჩამოუკიდებთ გრძელზონრიან სათამაშოებს,რათა უნებლიეთ კისერზე არ შემოიხვიოს.
• არ მიამაგროთ საწოლზე მცირე ზომის საგნები და სათამაშოები-პატარამ ისინი შესაძლოა გადაყლაპოს.
• ასწიეთ საწოლის გვერდები, როცა ბავშვი მარტოა.

აბაზანა:
წყლის ტემპერატურა 36-37გრადუსს არ უნდა აღემატებოდეს შეამოწმეთ წყლის ტემპერატურა ხელით, რათა დამწვრობა თავიდან აიცილოთ.
აბაზანაში ბავშვს ხელი არასოდეს გაუშვათ და არასოდეს დატოვოთ მარტო.

დამწვრობა:

• არ აიყვანოთ ბავშვი ხელში, თუ ცხელ სასმელს სვამთ.
• არ დატოვოთ ყავა ან ჩაი მაგიდის კუთხეში, საიდანაც ის ადვილად ჩამოვარდება.
• შეამოწმეთ, ცხელი ხომ არ არის ბავშვის საკვები ან ბოთლი.
• არ გააცხელოთ ბავშვის საკვები მიკროტალღურ ღუმელში _ის შესაძლოა არათანაბრად (სხვადასხვა ნაწილი სხვადასხვატემპერატურამდე) გათბეს.
• მოარიდეთ ბავშვი თამბაქოს კვამლს.

მანქანა:

• მანქანით მგზავრობისას გამოიყენეთ ჩვილებისთვის განკუთვნილი უსაფრთხო დასაჯდომი სკამი (ნახევრად მწოლიარე პოზიცია სახით უკან) და აუცილებლად დააბით ქამრით.ჩვილის უსაფრთხო სკამი უნდა დამაგრდეს უკანა სავარძელზე.არ გამოიყენოთ უსაფრთხოების ავტომატური ქამრები.
• მანქანით მგზავრობისას ბავშვს ხელში ნუ დაიჭერთ _ უმნიშვნელო ავარიის დროსაც კი შესაძლოა ტრავმა მიიღოს.
• არასდროს დატოვოთ ბავშვი მანქანაში მარტო, თუნდაც უსაფრთხო სავარძელში.

მეთვალყურეობა:

• არ დატოვოთ ბავშვი მარტო მცირე ასაკის და-ძმასა და ცხოველებთან.
• არ დატოვოთ ბავშვი მარტო საწოლზე ან ისეთ ადგილზე, საიდანაც ის იოლად გადმოვარდება.
• თუ შინიდან გადიხართ, დაუტოვეთ მომვლელს თქვენი შვილის ექიმის ან სასწრაფო დახმარების ტელეფონი.
• სახლში დაამონტაჟეთ კვამლის დეტექტორები და იქონიეთ ცეცხლის ჩასაქრობი მოწყობილობა.

სხვა:

• არასოდეს ჩამოჰკიდოთ ბავშვს საწოვარა კისერზე თასმით.
• არ გაუკეთოთ ყელსაბამი, საყურე, სამაჯური.
• როდესაც სძინავს, საწოლიდან ყველა სათამაშო ამოიღეთ.
• შეარჩიეთ ისეთი სათამაშოები, რომლებსაც ბავშვი იოლად ვერ დაამტვრევს, ვერ გადაყლაპავს, რომლებსაც არ აქვს წვეტიანი კიდეები.
• მოარიდეთ ბავშვი წვრილ საგნებს: ღილებს, ხურდა ფულს და ა.შ.
• არ გაუწმინდოთ ყურები, ცხვირი და გენიტალიები ბამბის ჩხირით. გამოიყენეთ ბამბის ქსოვილის კიდე ან სპეციალური საწმენდი ჩვილებისთვის. 

წყარო: Unicef.org