რატომ არის საშიში ესკალატორი? - წესები, რომელიც ყველა მშობელმა უნდა იცოდეს

მეტროთი, ესკალატორით ადამიანები ძალიან ხშირად ვსარგებლობთ, არადა, ცოტას თუ უფიქრა იმაზე, რამდენად საშიში და სახიფათო შეიძლება აღმოჩნდეს თუნდაც ესკალატორი ბავშვებისთვის. 
არადა, ამ უსაფრთხოების წესების შესახებ აბსოლუტურად ყველა ასაკის ბავშვის მშობელს უნდა ჰქონდეს ინფორმაცია. 

როგორ უნდა მოიქცეს მშობელი ან ბავშვი, რომ თავიდან აიცილოს ტრავმა ესკალატორით სარგებლობის დროს?

თუ ბავშვი ეტლშია
უსაფრთხოების წესების თანახმად, არ შეიძლება ბავშვიანი ეტლის ესკალატორზე გადაყვანა, ჯობს ბავშვი აიყვანოთ ხელში და ეტლი ისე შედგათ ესკალატორზე. ესკალატორი მექანიკური მოწყობილობაა, რომელიც ნებისმიერ დროს შეიძლება  გაჩერდეს,  გაიჭედოს, აძიგძიგდეს, რა დროსაც  ეტლი შესაძლოა გადაბრუნდეს. თუ სავაჭრო ცენტრში ბრძანდებით, ამ დროს უმჯობესია ლიფტით ისარგებლოთ. 

2-3 წლის ბავშვები
2-3 წლის ბავშვი ეტლში აღარ ზის, თუმცა მაინც პატარაა საიმისოდ, რომ რამე აუხსნათ და გააგებინოთ. ამ ასაკის ბავშვი აუცილებლად უფროსმა უნდა გადააცილოს ესკალატორზე, იდგეს მის უკან, რაც მთავარია,  მოძრავი ნაწილებისგან მოშორებით. 

3-5 წლის ბავშვები
ამ ასაკში ბავშვს კარად უნდა გააგებინოთ, რომ ესკალატორით მგზავრობის დროს აუცილებელია ხელი მოკიდოს სახელურს, თუმცა არავითარ შემთხვევაში არ უნდა შეყოს-ჩაყოს შიგნით ხელი, თითები ერთად შეტყუპებული აუცილებლად მოძრავ ლენტზე უნდა ჰქონდეს მოთავსებული. ასევე ძალიან მნიშვნელოვანია ესკალატორიდან გადმოსვლის მომენტი. ეს უნდა გაკეთდეს სწრაფად, აუცილებლად უნდა აუხსნათ ბავშვს, რომ ესკალატორიდან გადმოსვლის შემდეგ არ უნდა გაჩერდეს, რათა არ დააბრკოლოს მის უკან მომავალი მგზავრი და არ გააჩეროს მოძრაობა.
5 წლის ასაკის ბავშვი
ამ ასაკში მთავარი, რაც ბავშვმა უნდა იცოდეს არის ის, რომ ესკალატორო სათამაშო ადგილი არ არის.  ესკალატორზე ყოფნის დროს არავითარ შემთხვევაში არ შეიძლება სირბილი, ხტუნვა, საფეხურებზე ჩამოჯდომა, კიდეებზე მიბჯენა, ერთ მგზავრს მეორისგან ერთი საფეხური მაინც უნდა აშორებდეს. განსაკუთრებული სიფრთხილეა საჭირო ესკალატორზე გრძელი და ასევე გრძელსახელოიან სამოსის ტარების დროს. ასევე საშიშია გახსნილი ფეხსაცმლის თასმა.