ალბათ ყველა მშობელს აინტერესებს როგორი გავლენა შეიძლება იქონიოს მაიმუნის ამჟამინდელმა ეპიდემიამ პატარებზე.
მაიმუნის ყვავილი ვირუსული დაავადებაა. მისი სახელის მიუხედავად, გაურკვეველია, პირველად ვირუსი მაიმუნებში წარმოიშვა თუ არა. მაიმუნის ყვავილი არ არის ახალი დაავადება. მკვლევარებმა ის ადამიანებში პირველად ნახევარ საუკუნეზე მეტი ხნის წინ აღმოაჩინეს, მაგრამ მრავალი წლის განმავლობაში, შემთხვევები ძირითადად ცენტრალურ და დასავლეთ აფრიკაში გვხვდებოდა. თუმცა, ბოლო დროს მაიმუნის ყვავილი სხვა ქვეყნებშიც გავრცელდა.
სიმპტომები შეიძლება ვირუსთან ექსპოზიციიდან ხუთი დღიდან სამ კვირამდე პერიოდში გამოვლინდეს. მაიმუნის ყვავილის სიმპტომებია:
გამონაყარი მაიმუნის ყვავილთან დაკავშირებული ყველაზე ნიშანდობლივი სიმპტომია და ის გადის რამდენიმე ეტაპს - ბრტყელი ლაქებიდან, წითელ ბუშტუკამდე, რომელიც შემდეგ ივსება სითხით და უჩნდება ქერქი, რომელიც გამოჯანმრთელების პერიოდში კანის ზედაპირიდან ძვრება. ზოგიერთ ადამიანს გამონაყარი გრიპის მსგავს სიმპტომების გამოვლენამდე უვითარდება, ზოგს კი - პირიქით. სხვები მხოლოდ გამონაყარს უჩივიან. ჩვეულებრივ, დაავადება ორიდან ოთხ კვირამდე გრძელდება.
ვირუსი შეიძლება რამდენიმე გზით გავრცელდეს, მათ შორისაა:
მაიმუნის ყვავილი ჯერ კიდევ იშვიათ დაავადებად ითვლება. პაციენტების უმრავლესობა მკურნალობის გარეშე გამოჯანრთელდება. ამჟამინდელი ეპიდემიის შედეგად დღემდე არავინ გარდაცვლილა, მაგრამ სერიოზული გართულებები, მათ შორის პნევმონია და ტვინის ან თვალის ინფექციები, შეიძლება განვითარდეს. ბავშვები (განსაკუთრებით 8 წლამდე ასაკის ბავშვები) და ორსული ქალები დაავადების მძიმე ფორმის განვითარების გაზრდილი რისკის ქვეშ იმყოფებიან, ისევე როგორც იმუნოკომპრომეტირებული პირები და ადამიანები, რომლებსაც ანამნეზში დერმატიტი ან ეგზემა აქვს.
ვირუსი შეიძლება დედიდან ნაყოფზე გადავიდეს და ორსული ქალი განიხილება ნაწილობრივ იმუნიტეტდაქვეითებულად. მაიმუნის ყვავილის საწინააღმდეგო ორი ვაქცინა არსებობს - JYNNEOS და ACAM2000. ისინი ლიცენზირებულია ამერიკის სურსათისა და წამლების ადმინისტრაციის (FDA) მიერ.
სამწუხაროდ, ორსული ქალებისთვის ACAM2000-ის მიღება არ არის უსაფრთხო და ასევე არასაკმარისი ინფორმაციაა ცნობილი ორსულ და მეძუძურ ქალებში JYNNEOS-ის გამოყენების შესახებ. ორსულ ქალებს შეუძლიათ მიიღონ მკურნალობა მონოკლონური ანტისხეულების სახით.
FDA-ს არ აქვს ლიცენზირებული JYNNEOS-ის 18 წლამდე ასაკის ადამიანებში გამოყენება, მაგრამ 1 წელზე უფროსი ასაკის ბავშვებისთვის ACAM2000 ვაქცინას შეუძლია უზრუნველყოს დაცვა, განსაკუთრებით ვირუსთან ექსპოზიციის შემთხვევაში.
ვაქცინა დაავადების დამძიმების თავიდან ასაცილებლად და გამოჯანრთელების ხელშეწყობის მიზნით ინიშნება. თუმცა, ის არ არის მიზანშეწონილი გარკვეული ჯგუფებისთვის, მათ შორის იმუნოკომპრომეტირებული პირებისთვის.
ექსპერტები ამბობენ, რომ ყველას - მათ შორის მშობლებს, ბავშვებსა და ორსულებს - შეუძლია მინიმუმამდე დაიყვანოს მაიმუნის ყვავილით დაინფიცირების რისკი შემდეგი ქმედებებით:
დაუკავშირდით ექიმს, თუ თქვენი ოჯახის რომელიმე წევს კონტაქტი ჰქონდა მაიმუნის ყვავილით დაავადებულ პირთან. ანალოგიურად, თუ თქვენს ოჯახში ვინმეს განუვითარდება აკნე ან ბუშტუკოვანი გამონაყარი ან მაიმუნების ყვავილისთვის დამახასიათებელი სხვა სიმპტომები.
ჯანდაცვის პროვაიდერს შეუძლია მაიმუნის ყვავილით ინფიცირება ქსოვილის და/ან სისხლის ნიმუშის ტესტირებით დაადასტუროს.
წყარო: whattoexpect.com
სკოლები 
საბავშვი ბაღები 
განმავითარებელი წრეები 
სტარტაპერები 
შოპინგი 
ექიმები 
დასვენება 
გართობა 