ლიპაზა მნიშვნელოვანი ფერმენტია, რომელიც პატარას დედის რძის მონელებაში ეხმარება, რათა მან ყველა სასარგებლო საკვები ნივთიერების ათვისება. ეს ფერმენტი პანკრეასში წარმოიქმნება და საჭმლის მომნელებელ ტრაქტში გამოიყოფა. ლიპაზა ფუნქციონირებს ნაწლავებში და შლის ცხიმებს. ლიპაზა ბუნებრივად გვხვდება დედის რძეში და ითვლება, რომ ამ ფერმენტის სიჭარბემ შეიძლება გამოიწვიოს დედის რძის გემოს შეცვლა რძის დაბალ ტემპერატურაზე შენახვისას. არსებობს ეჭვი, რომ ლიპაზის მაღალი დონე იწვევს რძეში ცხიმების უფრო სწრაფად დაშლას, რაც გავლენას ახდენს მის გემოსა და სუნზე. თუ ეჭვი გეპარებათ, რომ დედის რძეში ლიპაზას რაოდენობა მომატებულია, შეგიძლიათ ჩაატაროთ მარტივი ცდა:
ცოტაოდენი რძის გამოწურვის შემდეგ შეინახეთ ის საყინულეში ან მაცივარში. გააჩერეთ ერთი-ორი დღე და შემდეგ შეამოწმეთ მისი სუნი. თუ რძეს საპნის სუნი ასდის, დიდი შანსია, რომ დედის რძე ლიპაზის მომატებულ რაოდენობას შეიცავს.
არ არსებობს იმის მტკიცებულება, რომ ლიპაზის დიდი რაოდენობა რძეში საზიანოა ბავშვისთვის, ან რომ ის მომავალში გამოიწვევს პრობლემებს - თქვენს პატარას მისი მონელება უპრობლემოდ შეუძლია. ერთადერთი მოსალოდნელი პრობლემა არის ის, რომ ბავშვმა შეიძლება უარი თქვას შეცვლილი სუნის და გემოს მქონე რძის მირთმევაზე.
რძის მჟავე სუნისა და გემოს ნამდვილი მიზეზი არა მასში შემავალი ლიპაზის გაზრდილი რაოდენობა, არამედ ამ ფერმენტის აქტივობის მომატებაა. ვარაუდობენ, რომ რძის შენახვისას მისი სუნის და გემოს ცვლილებას ცხიმის დაშლის გაზრდილი ტემპი იწვევს. ასევე, მნიშვენლოვანია აღვნიშნოთ, რომ მაღალი ლიპაზური აქტივობის მქონე რძის წარმოება არ არის რაიმე პათოლოგიის მაჩვენებელი.
წყარო: healthline.com
ასევე დაგაინტერესებთ:
სკოლები 
საბავშვი ბაღები 
განმავითარებელი წრეები 
სტარტაპერები 
შოპინგი 
ექიმები 
დასვენება 
გართობა 