მათემატიკური თამაშები პატარებისთვის

როგორ განვუვითაროთ ბავშვს მათემატიკური უნარ-ჩვევები? 

სკოლამდელ ბავშვებში მათემატიკური თამაშები ძალიან სახალისოა, ეს აქტივობა მოგცემთ საშუალებას, დრო პროდუქტიულად გაატაროთ. ასეთი თამაშებისთვის განსაკუთრებული არაფერი დაგჭირდებათ, ხანდახან შესაძლოა ბურთი დაგჭირდეთ, თუმცა მის გარეშეც გახვალთ ფონს. არსებობს თამაშები არა მათემატიკურ ანგარიშებზე, არამედ მათემატიკურ ერუდიციაზე. თამაში სხვადასხვანაირად არის შესაძლებელი, შეგიძლიათ ჩაიფიქროთ ციფრები, ფიგურები, ტერმინები. მოთამაშეების მიზანია, გამოიცნონ ჩანაფიქრი სხვადასხვა შეკითხვის მეშვეობით. შეკითხვებზე პასუხი უნდა იყოს დადებითი ან უარყოფითი, მარტივად „ჰო“ ან „არა“. მაგალითად: ეს ციფრი ლუწია? ფიგურა სამკუთხედია? და ა.შ.

რომელი თამაშები შეგვიძლია ვათამაშოთ პატარებს? 

• ეს თამაში ძალიან კარგია სხვადასხვა ფიგურის და  სახელწოდების გასახსენებლად, ასევე ციფრების თავისებურებების დასამახსოვრებლად.  
• ასევე არსებობს ძალიან კარგი თამაშები ყურადღებისა და რეაქციის განსავითარებლად. მაგალითად, მოთამაშეები ესვრიან ერთმანეთს ბურთს და დასახელებულ ციფრს აკლებენ 2-2-ს. მაგალითად: დაასახელეს ათი - ისროლეს ბურთი, შემდეგი მოთამაშე ასახელებს რვას და ისვრის ბურთს, შემდეგი - ექვსს და ა.შ. 
• ასევე ძალიან სახალისოა თამაში ტაშის დაკვრაზე. თამაშობს 2 ადამიანი. მოილაპარაკებთ, რომ მაგალითად სამიანზე უნდა დაუკრათ ტაში და იწყებთ ციფრების დასახელებას. ბავშვს უნდა აჩვენოთ თითებით,  სამის დასახელების დროს უნდა დაუკრას ტაში და დაიყვიროს -  დაუკარი ტაში.
• არსებობს გეომეტრიულო თამაშებიც. მაგალითად, ერთ-ერთი მოთამაშე ასახელებს ფიგურას: სამკუთხედი, რომბი, ოთხკუთხედი... მეორე მოთამაშე ეძებს ოთახში ამ ფიგურის მსგავსს. მაგალითად მრგვალი ბურთი, ორჯერ გამეორება არ შეიძლება, მოგებულია ის, ვინც მეტ ფიგურას დაასახელებს. 
• ასევე თამაში „მე ვიცი“: ერთ ერთი მოთამაშე აცხადებს: მე ვიცი ხუთი ციფრი და ასახელებს ხუთ ციფრს. მეორე ამბობს: მე ვიცი ხუთი ფიგურა და ასახელებს ხუთ ფიგურას და ა.შ. 
• ასევე თამაში მიმატებასა და გამოკლებაზე. თავიდან იწყება მარტივად ერთის მიმატება და გამოკლება და ნელ-ნელა იზრდება. ეს თამაში ძალიან კარგია გონებაში თვლისა და ყურადღებისათვის.