როდის დაიწყოთ დამატებითი კვება და რა საკვები შეურჩიოთ პატარას?

• ძუძუთი კვებაზე მყოფ ბავშვს 6 თვიდან ესაჭიროება საკვების დამატება, ხოლო ხელოვნურ კვებაზე მყოფს 4,5-5 თვიდან.
• ახალი საკვები მიაწოდეთ მცირე რაოდენობით მაგ. 2-3 ჩაის კოვზი და თანდათან გაზარდეთ ულუფა;
• თავიდან ბავშვს მხოლოდ ერთი სახეობის საკვები შესთავაზეთ.
• თუ ბოლომდე ვერ ჭამს, ნუ დააძალებთ. თუ ვერ კმაყოფილდება, შეგიძლიათ ცოტა საკვები კიდევ დაუმატოთ;
• საკვები მიეცით კოვზით და არა საწოვარათი!
• საკვები უნდა მომზადდეს სისუფთავის ყველა წესის დაცვით;
• თავდაპირველად ბავშვს საკვები თხელი პიურეს სახის უნდა იყოს. ასაკის მატებასთან ერთად შეგიძლიათ საკვების მასა გაამკვრივოთ, რომ პატარა ღეჭვასაც შეეჩვიოს;
• თუ ბავშვი ძუძუზეა, ჯერ ძუძუ შესთავაზეთ, შემდეგ დამატებით საკვები, 9 თვიდან კი პირიქით, ჯერ საკვები და შემდეგ ძუძუთი ჩაატკბარუნებინეთ პირი.
• ხელოვნური კვების დროს ერთი კვება, თანდათან, მთლიანად იცვლება დამატებითი საკვებით;
• დამატებით კვებებს შორის აუცილებელად დაიცავით ინტერვალი 3,5 - 4 სთ. კვებათა შორის დასაშვებია წახემსება, მაგალითად, ხილ-ფაფის მიწოდება; 
• თქვენ ხომ უკვე იცით, რომ საკვების სხვადასხვა ჯგუფი არსებობს. ყოველდღიურად მიაწოდეთ პატარას საკვების, თუნდაც, მცირე ულუფა თითოეული ჯგუფიდან.
• მიმართეთ ექიმს, რომელიც აგიხსნით, თუ როდის და რომელი საკვები უნდა დაუმატოთ პატარას.

გახსოვდეთ: 1 წლამდე ასაკის ბავშვს ნუ აჭმევთ კვერცხის ცილას, თაფლსა და ციტრუსებს. 9 თვემდე კი ძროხის განუზავებელი რძის მიცემაც არ არის სასურველი.

წყარო unicef „ძუძუთი კვების სასწაული“