სანამ ბავშვი ჯდომას ისწვლიდეს, დედას უნდა ეჭიროს ხელში, ოდნავ დახრილ მდგომარეობაში. მას შემდეგ, რაც ისწავლის ჯდომას, ჭამის დროს იგი სპეციალურ სკამში უნდა იჯდეს;
არ შეიძლება სირბილი/სიარული ჭამის დროს;
არ შეიძლება საკვების მიცემა უშუალოდ ქილიდან (ჭურჭლიდან, რომელშიც ინახება საკვები), ბავშვის ნერწვიდან ბაქტერიები საჭმელში მოხვდება და გამრავლდება;
ნარჩენი საკვები უნდა განადგურდეს, არ შეიძლება მისი ჭურჭელში ჩაბრუნება;
კვებამდე უნდა შემოწმდეს ბავშვის საკვების ტემპერატურა;
ბოთლით კვებისას, საწოვარას ნახვრეტი ისეთი უნდა იყოს, რომ საკვები გამოდიოდეს წვეთებად. ეს თავიდან აგვაცილებს მის გადაცდენას;
დაუშვებელია ბავშვის ბოთლით მარტო დატოვება (ასპირაციის რისკი).
უსაფრთხოება სამზარეულოში
წყლის (სითხის) დაქცევისას მაშინვე უნდა მოიწმინდოს იატაკი, რათა ბავშვს ფეხი არ გაუსრიალდეს და არ დავარდეს;
არ შეიძლება ცხელი ან საშიში ნივთების ბავშვისთვის ხელმისაწვდომ ადგილას დატოვება;
არ შეიძლება ბავშვის ხელში აყვანა საკვების მომზადებისას;
სამზარეულოს უჯრებსა და კარებებს უნდა დაუმაგრდეს ჩამკეტი, რათა ბავშვმა არ გამოაღოს ისინი და არ ამოიღოს მისთვის საშიში ნივთები;
თუ ქურას არ აქვს დამცავი საფარი, მის გამოყენებისას უნდა აანთონ უკანა სანათი;
ნაგავი მოთავსდეს მჭიდროდ თავდახურულ კონტეინერში ან სათავსოში;
ასანთი შეინახონ მიუწვდომელ ადგილას;
საკვები და არასაკვები ნივთები ერთად არ უნდა შეინახონ;
სარეცხი/საწმენდი საშუალებები, მედიკამენტები ისეთ ადგილას უნდა მოთავსდეს, რომ ბავშვი ვერ მისწვდეს;
ბავშვისთვის გამოიყენეთ სპეციალური, ინდივიდუალური ჭურჭელი
წყარო: ადრეული ასაკის ბავშვის ზრდისა და განვითარების მონიტორინგი
სკოლები 
საბავშვი ბაღები 
განმავითარებელი წრეები 
სტარტაპერები 
შოპინგი 
ექიმები 
დასვენება 
გართობა 