რაზე შფოთავენ სხვადასხვა ასაკის ბავშვები

ქვემოთ მოყვანილი შიშები დაკავშირებულია განვითარების ცვლილებებთან.

0-6 თვე
ეშინია ხმაურიანი საგნების.ფიზიკური, ვიზუალური და ხმოვანი კონტაქტის დაკარგვა უფროსებთან მას აღელვებს,რადგან არ შეუძლია აღიქვას, რომ ობიექტები განაგრძობენ არსებობეს მაშინაც კი, როდესაც მის გარშემო არ არიან.
7-12 თვე
სიმორცხვე და გაუცხოება დამახასიათებელია ამ ასაკისთვის. ბავშვს შეიძლება გაუჩნდეს უცნაური პროტესტი იმ ადამიანების მიმართ, რომლებთანაც აქამდე კომფორტულად გრძნობდა თავს. უყალიბდებათ მუდმივობის განცდა და მიჯაჭვულობა.
1 წელი
ამ ასაკში მშობელთან განშორება ძირითადი მიზეზია შფოთვისა  და ის გრძელდება დაახლოებით 6 წლამდე. ბავშვს შეიძლება შეეშინდეს დაზიანების, დაშავების და მოულოდნელი სპონტანური ხმების.
2 წლის
ავლენს ცხოველებისა და დიდი ობიექტების მიმართ შიშს. ეშინია ბნელი ოთახების და ღამით განცალკევებული ძილი დიდი გამოწვევაა.
3-4 წელი
ბავშვის გაზრდილი წარმოსახვის უნარი, მას აძლევს საშუალებას წარმოიდგინოს ცუდი მოვლენები. მის სიზმრებში შეიძლება გაჩნდნენ მონსტრები და მსგავსი არსებები.
5-6 წელი
მას შეიძლება შეეშინდეს ფიზიკური ზიანის მიღების და ადამიანების, რომლებმაც შეიძლება “მოიტაცონ” და ზიანი მიაყენონ. შეიძლება შეეშინდეს სულების, მაგიური არსებებისა და ჭექაქუხილის.
7-8 წელი
ძირითადი შიში უკავშირდება მარტო დარჩენას.შეიძლება ეშინოდეს მანქანისა და სხვა სატრანსპორტო საშუალებების აქსიდენტების.
9-12 წელი
შფოთვას ავლენს სკოლის პერფორმანსებზე. აშფოთებს საკუთარი გარეგნობა. ეშინია დაშავებისა და სიკვდილის.
13-18 წელი
თინეიჯერი ინდივიდებისთვის სოციალური ურთიერთობები შფოთვის ძირითადი წყაროა. ის ღელავს საკუთარ მომავალზე, პოლიტიკაზე, გაზრდასა და ბუნებრივ კატასტროფებზე.

ფსიქოლოგი: მარიამ ფაცურია