მონტესორის 33 ფრაზა ბავშვებთან ურთიერთობის დროს 

მონტესორის მეთოდი იმაზე მეტია, ვიდრე ნივთები ან სათამაშოები, რომლებთანაც ბავშვები ურთიერთობენ. ეს მეთოდი არის უფროსის უნარი, დაინახოს ბავშვში პიროვნება, რომელსაც ნებისმიერი მიზნის მიღწევა შეუძლია და რომელიც პატივისცემას იიმსახურებს. ამიტომ ძალიან მნიშვნელოვანია, როგორ დაელაპარაკება უფროსი ბავშვს. მოდით ვნახოთ ფრაზები, რომლებიც მონტესორის მეთოდის მიხედვით მისაღები და ადექვატურია ბავშვთან ურთიერთობის დროს. პირველ რიგში კი უნდა აღინიშნოს, რომ საუბრის მთავარი პრინციპი მდგომარეობს იმაში, რომ  თავი ბავშვს გაუტოლოთ. 

• გთხოვ, მომაწოდე მარილი.
• მადლობა, რომ მომეხმარე.
• შეგერგოს.
• მომეხმარე თუ შეგიძლია.
• დახმარება გჭირდება, თუ თავად გაუმკლავდები?
• რომელი მაისურის ჩაცმა გინდა, წითლის თუ მწვანესი?
• შენთვის დავალება მაქვს, გინდა აგიხსნა?
• წამოდი, შენთვის რაღაც საინტერესო მაქვს.
• უკაცრავად, შეიძლება შენი ნივთი ავიღო?
• გინდა, ერთად გავაკეთოთ?
• არ მსიამოვნებს, როდესაც მეჯაჯგურებიან.
• მე არ გაძლევ უფლებას, ხელი მკრა.
• არ არის საჭირო ხელის კვრა,  შეგვიძლია ვისაუბროთ.
• ამის გაკეთების უფლებას ვერ მოგცემ.
• ვხედავ, რომ განერვიულებული, გაბრაზებული ხარ.
• მესმის, რომ ხასიათზე არ ხარ.
• გინდა მომიყვე, რა მოხდა?
• ვერაფერი გავიგე, თუ დახმარება გჭირდება, ამიხსენი.
• შეგიძლია მთხოვო, რომ ჩაცმაში მოგეხმარო.
• დღეს ცივა, წვიმს, როგორ ფიქრობ, რა შეიძლება ჩავიცვათ? მოდი, გავიხედოთ ფანჯარაში და ვნახოთ, რა აცვია ხალხს.
• დღეს ბებიას დაბადების დღეა, მოდი, რამე საზეიმო კაბა ჩავიცვათ. რომელი მოგწონს?
• ახლა ამის დრო არ არის.
• ვხედავ, რომ რაღაც ხდება, საინტერესოა, რა?
• შეიძლება ჩაგეხუტო?
• გთხოვ, ამ ხეს შემოუარე.
• გთხოვ, ხელები უკან წაიღე.
• კარგად ხარ? ჩემი დახმარება ხომ არ გჭირდება?
• მაინც, რითი შემილია დაგეხმარო?
• როგორ ფიქრობ, სად შეიძლება ამის ნახვა?
• როგორ ცდილობდი...
• როგორ მოვაგვაროთ ეს პრობლემა? იდეები გვჭირდება.
• ამან გაგაოცა?
• რა იგრძენი იმ დროს?

ეს ის ფრაზებია, რომლებიც ყოველდღიურად, სიტუაციურად უნდა გამოიყენოს უფროსმა ბავშვებთან ურთიერთობისას, რა თქმა უნდა, შესაბამის კონტექსტში. ეს ფრაზები დაეხმარება ბავშვს თავი საზოგადოების სრულფასოვან წევრად იგრძნოს.