ბადრიჯანი - რა ასაკიდან გავასინჯოთ ბავშვს

როდის შეუძლია ბავშვს ბადრიჯნის მირთმევა?

ბადრიჯნის მიღება შეიძლება როგორც კი ბავშვი მზად იქნება მყარი საკვების დასაწყებად, რაც ჩვეულებრივ 6 თვის ასაკში ხდება. 

სასარგებლოა თუ არა ბადრიჯანი ბავშვებისთვის?

დიახ. ბადრიჯანი შეიცავს ვიტამინ B6-ს, ჩვილებისთვის აუცილებელ საკვებ ნივთიერებას, და ბოჭკოს, რომელიც ხელს უწყობს საჭმლის მონელებას და ნაწლავის მიკრობიომის გაძლიერებას. არ აქვს მნიშვნელობა ჯიშს, მოძებნეთ მკვრივი ბადრიჯანი ლაქების გარეშე. პატარა ბადრიჯანს (მიუხედავად იმისა, თუ რა ზომის ჯიშს ყიდულობთ) უფრო რბილია და უფრო თხელი კანი აქვს. ბადრიჯანი ტროპიკული კულტურაა და არ უყვარს მაცივარში შენახვა. უბრალოდ შეინახეთ მთლიანი, დაუჭრელი ბადრიჯანი ოთახის ტემპერატურაზე, მზის პირდაპირი სხივებისგან მოშორებით.

★რჩევა: არ მოაყაროთ ბადრიჯანს მარილი. ალბათ გსმენიათ, რომ ბადრიჯანს მომზადებამდე მარილი უნდა მოაყაროთ. ნაჭრების დამარილება ხელს უწყობს წყლის გამოდევნას, რაც განსაკუთრებით ხელსაყრელია, თუ ბადრიჯნის შეწვას აპირებთ. თუმცა, მარილი წარულში ასევე ბადრიჯნის მწარე გემოს გასანეიტრალებლადაც იყო გამიზნული, ხოლო დღევანდელი ბადრიჯანი უკვე მნიშვნელოვნად ნაკლებად მწარეა, ვიდრე მისი წინამორბედები, ასე რომ, მარილის დამატება აუცილებელი არ არის და არასასურველიც კია, განსაკუთრებით მაშინ, როდესაც კერძს ბავშვისთვის ამზადებთ.

რამდენად დიდია ბადრიჯნის გადაცდენის საფრთხე?

ბადრიჯანი არ წარმოადგენს დახრჩობის საშიშროებას ჩვილ ბავშვებში, თუმცა მისი კანის ტექსტურა შეიძლება პატარასთვის არასასიამოვნო იყოს. რისკის შესამცირებლად მოხარშეთ და დაჭერით ბადრიჯანი, ხოლო თუ ბავშვს კანი არ მოსწონს, უბრალოდ გათალეთ ბოსტნეული. 

წარმოადგენს თუ არა ბადრიჯანი გავრცელებულ კვებით ალერგენს?

არა. ალერგია ბადრიჯანზე იშვიათია, მაგრამ რამდენიმე შემთხვევა მაინც არის დაფიქსირებული. ადამიანები, რომლებიც ალერგიულნი არიან ლატექსზე, პომიდორზე ან ბალახზე, შეიძლება ასევე იყვნენ ალერგიული ბადრიჯანზე ან განიცადონ ორალური ალერგიის სინდრომი (ასევე ცნობილი როგორც საკვების მტვრის ალერგია). ორალური ალერგიის სინდრომი იწვევს ზომიერ, დროებით ქავილს, ჩხვლეტას ან წვის შეგრძნებას პირის ღრუში, რომელიც ჩვეულებრივ თავისთავად ქრება.

როგორ მოვამზადოთ ბადრიჯანი ბავშვებისთვის?

6-დან 9 თვემდე: ბავშვს შესთავაზეთ სიგრძივად დაჭრილი მოხარშული ბადრიჯნის ნაჭრები.

9-დან 12 თვემდე: ამ ასაკში შეგიძლიათ მომზადების წინ ბადრიჯანს მარილი მოაყაროთ. ბავშვს შესთავაზეთ სხვადასხვა წესით მომზადებული ბადრიჯნის კერძები.

რეცეპტი: ბადრიჯნის ჩხირები

ინგრედიენტები
•    1 პატარა ბადრიჯანი (დაახლოებით 285 გრამი)
•    1 კბილი ნიორი 
•    ზეითუნის ზეთი 
მომზადების წესი
•    მოაჭერით ბადრიჯანს ღერო და ძირი.
•    გათალეთ და დაჭერით ის სიგრძეზე სანამ არ მიიღებთ ორი ზრდასრული თითის სისქის ჩხირებს.
•    ბადრიჯნის ჩხირები გასაშრობად დადეთ ქაღალდის ხელსახოცზე და გააჩერეთ დაახლოებით 30 წუთის განმავლობაში. (თუ დრო არ გაქვთ, უბრალოდ გამოტოვეთ ეს ნაბიჯი და ყველაფერი კარგად იქნება!) 
•    უხვად დაასხით ზეითუნის ზეთი ფართო, ბრტყელ ტაფაზე და დადგით საშუალო ცეცხლზე. დაამატეთ მთლიანი ნიორი. როგორც კი ზეთი გაცხელდება, შეამცირეთ ცეცხლი და ადუღეთ რამდენიმე წუთის განმავლობაში, რათა ზეთმა ნივრის არომატი შეიძინოს.
•    ამოიღეთ ნიორი ზეთიდან და დაამატეთ ბადრიჯნის ჩხირები. შეწვით საშუალო ცეცხლზე: ჩხირები ყოველ რამდენიმე წუთში გადაატრიალეთ, სანამ ბადრიჯანი არ დარბილდება, მაგრამ არ დაჭკნება.
•    ბადრიჯანი გადმოიღეთ ტაფიდან და სუფრასთან მიტანამდე გააცივეთ.

გემოების შეხამება
ბადრიჯანი კარგად ეხამება ძლიერ არომატებს, როგორიცაა პომიდორი, ნიორი, ლიმონი, ჩილი, რეჰანი, პიტნა, სოიოს სოუსი და მისო. ის ასევე კარგად ერწყმის სეზამს, ყველს და იოგურტს.

წყარო: solidstarts