მიწისთხილის კარაქი ბავშვის მენიუში -აუცილებელი ვიტამინები

სასარგებლოა თუ არა მიწისთხილი/მიწისთხილის კარაქი ბავშვებისთვის?

დიახ. მიწისთხილი შეიცავს უამრავ ცილას, ცხიმს, ბოჭკოს და ანტიოქსიდანტებს, რომლებიც ხელს უწყობენ გულის  ფუნქციონირებას. მიწისთხილი ასევე მდიდარია ტვინისთვის სასარგებლო საკვები ნივთიერებებით: ფოლიუმის მჟავა, ვიტამინები B6 და E, თუთია, სპილენძი, ვიტამინი B3 და მაგნიუმი. უბრალოდ დარწმუნდით, რომ ყიდულობთ უმარილო მიწისთხილს, რადგან მარილიანი მიწისთხილი შეიცავს ზედმეტ ნატრიუმს, რაც ჭარბი რაოდენობით საზიანოა ჩვილებისთვის (ისევე როგორც მოზრდილებისთვის). 
მიწისთხილის ფქვილი სულ უფრო პოპულარული საკვები პროდუქტი ხდება. ფქვილი მზადდება დაფქული მიწისთხილისგან, რომელსაც ამოღებული აქვს ცხიმის შემცველობა. მიუხედავად იმისა, რომ მას აკლია ცხიმი, ის მაინც შეიცავს მნიშვნელოვანი რაოდენობის ბოჭკოს, პროტეინს და მიკროელემენტებს, როგორიცაა თუთია, ვიტამინი B6 და ფოლიუმის მჟავა. რეკომენდებული ასაკი: 6 თვე +
ხელს უწყობს ნაწლავების მოქმედებას. 

როდის შეუძლიათ პატარებს მიწისთხილის მირთმევა?

მიწისთხილის მირთმევა ბავშვს შეუძლია მყარ საკვებზე გადასვლისთანავე. როგორც წესი, ეს 6 თვის ასაკში ხდება. მთლიანი, დაჭრილი მიწისთხილი და არაქისის კარაქი ჩვილებისა და ბავშვებისთვის გადაცდენის საშიშროებას წარმოადგენს, ამიტომ შეიტყვეთ, როგორი სახით შესთავაზოთ ისინი ბავშვს უსაფრთხოების დაცვით. ჩვილებისთვის მიწისთხილის კარაქის ყიდვისას, აირჩიეთ უმარილო, გლუვი არაქისის კარაქი დამატებითი შაქრის, დამატკბობლების, არომატიზატორების, ჰიდროგენირებული ზეთის ან სხვა კონსერვანტების გარეშე.

რამდენად დიდია მიწისთხილის გადაცდენის საფრთხე?

ყველა სახეობის თხილი, თხილის ნაჭრები და თხილის კარაქი ჩვილებისა და ბავშვებისთვის დახრჩობის საშიშროებას წარმოადგენს. რისკის შესამცირებლად, გაათხიერეთ მიწისთხილის კარაქი წყლით, დედის რძით, ხელოვნური საკვებით, ან პიურეებით. 

წარმოადგენს თუ არა მიწისთხილი გავრცელებულ კვებით ალერგენს?

დიახ. ბავშვებში მიწისთხილზე ალერგიის შეთხვევების რაოდენობა მატულობს. ალერგიის უფრო დიდი რისკია, თუ ბავშვს აწუხებს ეგზემა ან კვერცხის მიმართ ალერგია. 
სამწუხაროდ, მიწისთხილის მიმართ ალერგია სიცოცხლის ბოლომდე გრძელდება. გარდა ამისა, ბავშვებს, რომლებსაც აქვთ ალერგია მიწისთხილის მიმართ, ასევე აქვთ გაზრდილი შანსი (25-დან 40%-მდე), რომ იყვნენ ალერგიული ერთ ან რამდენიმე სახეობის თხილზე. რაფინირებული არაქისის ზეთი, როგორც წესი, არ იწვევს ალერგიულ რეაქციას, რადგან ალერგენი ცილები ამოღებულია დამუშავების დროს. თუმცა, არარაფინირებული არაქისის ზეთი იწვევს ალერგიულ რეაქციას მიწისთხილის მიმართ ალერგიის მქონე პირებში. 
ახალმა კვლევებმა აჩვენა, რომ მიწისთხილთან ბავშვის ადრეულმა ექსპოზიციამ შეიძლება მნიშვნელოვნად შეამციროს მიწისთხილის მიმართ ალერგიის განვითარების რისკი. აშშ-ს ალერგიისა და ინფექციური დაავადებების ეროვნული ინსტიტუტი გვირჩევს, რომ მიწისთხილი შევთავაზოთ ბავშვს პირველ დაბადების დღემდე.

როგორ მოვამზადოთ მიწისთხილი ბავშვებისთვის?

• 4-დან 6 თვემდე: ამ ასაკში ჩვილები, როგორც წესი, მზად არ არიან დამოუკიდებლად კვებისთვის. ამ ასაკში მიწისთხილის მიღება რეკომენდებულია მხოლოდ იმ შემთხვევაში, თუ ალერგოლოგი გადაწყვეტს, რომ ალერგენის ადრეული ექსპოზიცია სასარგებლო იქნება ბავშვისთვის (წინასწარ არსებული რისკ-ფაქტორების გამო მიწისთხილის მიმართ ალერგიის განვითარებისთვის, როგორიცაა ეგზემა, კვერცხზე ალერგია ან ორივე ერთად). შეგიძლიათ გაათხიეროთ გლუვი, უმარილო არაქისის კარაქის კონსისტენცია ცხელი წყლით (გააცივეთ სუფრაზე მიტანამდე), ხილის ან ბოსტნეულის პიურეთი და შესთავაზოთ თქვენს პატარას გათხელებული მიწისთხილის კარაქი თქვენი თითის წვერით ან კოვზით. შენიშვნა: მყარი საკვების მიღების ნაადრევად დაწყება ასოცირებულია არაჯანსაღი წონის მატებასთან, ამიტომ, ჩვენი რჩევაა, თავი შეიკავოთ პიურეებისგან ამ ასაკში და პატარას შესთავაზოთ მხოლოდ გათხიერებული მიწისთხილის კარაქი.  მას შემდეგ, რაც საკვები სასურველ კონსისტენციასა და ტემპერატურას მიაღწევს, შესთავაზეთ ის ბავშვს. დაელოდეთ 10 წუთი და თუ ალერგიული რეაქციის ნიშნები არ არის, განაგრძეთ ეტაპობრივად კვება ბავშვის კვების ბუნებრივი ტემპით. არ ინერვიულოთ, თუ ბავშვი არ დაასრულებს საკვებს ბოლომდე. როდესაც ბავშვი ჭამას დაასრულებს, დააკვირდით კიდევ 30 წუთის განმავლობაში, რათა დარწმუნდეთ, რომ ალერგიული რეაქციის ნიშნები არ არის. თუ რეაქციის ნიშნებს შეამჩნევთ, შეწყვიტეთ კვება და დაუყოვნებლივ დაუკავშირდით ექიმს, ან თუ რეაქცია მძიმეა, დარეკეთ სასწრაფო დახმარების სამსახურში. შეიტყვეთ მეტი ალერგიული რეაქციების სიმპტომების შესახებ. თუ ბავშვს მიწისთხილის მიმართ არასაუსრველი რეაქცია არ დაუფიქსირდა, განაგრძეთ მისი შეთავაზება კვირაში ორჯერ. კვლევები აჩვენებს, რომ ბავშვის კვების რაციონში მიწისთხილის მუდმივი ჩართვა იცავს მას ალერგიის განვითარებისგან.
• 6-დან 9 თვემდე: გაათხიერეთ უმარილო, გლუვი მიწისთხილის კარაქი წყლით, დედის რძით, ხელოვნური საკვებით, ან პიურეებით დამოუკიდებლად მისართმევად, ან შეურიეთ სხვა საკვებს, როგორიცაა იოგურტი ან სუპი. ასევე, შეგიძლიათ დაფქვათ უმარილო, უმი ან შემწვარი მიწისთხილი წვრილ კონსისტენციამდე, შემდეგ მოაყარეთ ის რბილ საკვებს, როგორიცაა დაჭყლეტილი ხილი და ბოსტნეული, თბილი მარცვლეული ან იოგურტი. 
• 9-დან 12 თვემდე: განაგრძეთ უმარილო, გლუვი მიწისთხილის კარაქის შერევა რბილ საკვებში, მოაყარეთ საკვებს წვრილად დაფქულ მიწისთხილი, რათა ბავშვმა ნაჭრებს ხელი უფრო ადვილად მოკიდოს და გამოიყენეთ მიწისთხილის ზეთი ბოსტნეულის, მარცვლეულის და სხვა საკვების მოსამზადებლად.
• 12-დან 24 თვემდე: წაუსვით უმარილო, გლუვი მიწისთხილის კარაქი ტოსტზე, ბლინებზე, პურზე, ან ბაგელზე. თქვენ აღარ გჭირდებათ მისი გათხელება წყლით ან სხვა სითხეებით. განაგრძეთ მთლიანი მიწისთხილის წვრილად დაფქვა. 
• 24 თვის ასაკიდან: ბავშვის მეორე დაბადების დღის შემდეგ ის შეიძლება მზად იყოს მთლიანი მიწისთხილის მისაღებად, თუ მას უკვე განვითარებული აქვს ღეჭვისა და ყლაპვის უნარი. მიუდექით ამ ნაბიჯს დიდი სიფრთხილითა და ყურადღებით: მთლიანი მიწისთხილი 3 წელზე უმცროსი ასაკის ბავშვებში საკვებით დახრჩობის ერთ-ერთი მთავარი მიზეზია. რისკის შესამცირებლად ჯერ დაიწყეთ მიწისთხილის ნახევრის შეთავაზებით და დარწმუნდით, რომ ბავშვი არის უსაფრთხო გარემოში. აჩვენეთ ბავშვს, როგორ დაღეჭოს მიწისთხილი, დაღეჭეთ ძალიან ნელა. აუხსენით ბავშვს, რომ დაღეჭვისას თხილი ხმაურს უნდა გამოსცემდეს. უთხარით თქვენს შვილს, რომ იგივე გაიმეოროს. 

რეცეპტი: მიწისთხილის და ვაშლის “საღებავი”
ინგრედიენტები:
•    1 ჩაის კოვზი გლუვი მიწისთხილის კარაქი (დამატებითი მარილისა და შაქრის გარეშე) 
•    ½ ჭიქა ვაშლის სოუსი დამატებითი შაქრის გარეშე
•    1 მწიფე ბანანი
•    1 ჩაის კოვზი დაფქული მიწისთხილი (უმარილო, უმი ან მოხალული) 
მომზადების წესი:
•    ათქვიფეთ მიწისთხილის კარაქი და ვაშლის სოუსი, სანამ არ გახდება გლუვი - საღებავივით!
•    ბანანი გაჭერით შუაზე სიგრძივად, აიღეთ ერთი ნახევარი და დაჭერით.
•    ამოსვარეთ ბანანის ნაჭრები დაფქულ მიწისთხილში.
•    ბავშვის წინ მოათავსეთ ბანანის ნაჭრები და არაქისის კარაქის „საღებავის“ თასი. აჩვენეთ პატარას, როგორ ჩაყაროს ბანანის ნაჭრები (ან მისი პატარა თითები) თასში და “დახატოს” მის წინ ზედაპირზე. 

სნექი არ შეიცავს არანაირ დანამატსა და შემკვრელს, შესაბამისად სტრუქტურა ოთახის ტემპერატურაზე არის კრემისებრი. მიწისთხილში შემავალი მცენარეული ცხიმი მატებს მასას მის სასარგებლო თვისებებს. დროთა განმავლობაში ეს ცხიმი ექცევა თავზე, რაც ნორმალურია, ეს უსვამს ხაზს მის ნატურალურობას და სიჯანსაღეს.
გემოების შეხამება:
არაქისის მდიდარი არომატი ბევრ საკვებ პროდუქტს უხდება. მისი გემო აბალანსებს ისეთი ხილის ტკბილ და მჟავე არომატს, როგორიცაა ვაშლი, ბანანი, მანგო, პაპაია, ანანასი და მარწყვი. ის ასევე აძლიერებს ზოგიერთი ბოსტნეულის არომატს, როგორიცაა ბულგარული წიწაკა, ბოკ ჩოი, კომბოსტო, ნიახური, მწვანილი, მწვანე ლობიო და ისპანახი. დაფქული მიწისთხილის სოუსს შეუძლია დამატებითი მდიდარი არომატი შემატოს ცილებით მდიდარ საკვებს, როგორიცაა საქონლის, ქათმის და ცხვრის ხორცი, ზღვის პროდუქტები, როგორიცაა ორაგული, კრევეტები, ტილაპია ან კალმახი. ასევე შეგიძლიათ დაფქვილი მიწისთხილი მოაყაროთ ლაფშას, მაკარონს, ან ბრინჯს.

წყარო: solidstarts.com

შეკვეთისთვის ეწვიეთ სნექის გვერდს snackypeanutbutter